相信有手提電話的人,都必定有被人致電推銷產品或服務的經驗,進行這些電話推銷的人,簡直就是向你「催」銷,因為只要你給這些「催」銷員半個機會,他們就會毫不理會你的感受,自話自說。

以往遇到這種情況,我都會有禮貌地拒絕他們,說道我對他們的產品或服務沒有需要或興趣,但,這是不管用的,因為他們會而不捨地繼續介紹產品或服務的好處,直至你cut線為止。

後來我對這些「催」銷員已變得冷感,一旦收到他們的電話,便漫不經心地搭上幾句,例如:

「請問係唔係1234-5678嘅機主呀?」

「唔係」

「其實唔係都唔緊要架,因為我哋嘅產品都好岩你架。」

(下刪一百字)

又試過有一次:

「請問係唔係1234-5678嘅機主呀?」

「係有點唔係又點呀!」

「無呀,因為我哋知道呢個產品係好岩你架。」

(下刪一百字)

試過有一次,我按捺不住,義正詞嚴的向「催」銷員說道:

「先生,我冇同意你打呢個電話號碼作推銷之用,好似係唔合法喎,我可以投訴嗰喎,你同唔同意呀?」

「係呀我同意呀,但係呢我地哋嘅產品係真係好岩你囉。」

真氣頂!

所以經驗所得,對「催」銷員太認真,對自己是沒有好處的。

有一回,有一位女「催」銷員致電「催」銷,我嘗試反擊。

「先生你好呀,我哋係理想酒店打呢嘅,我哋有個全年免費食自助餐計劃,好超值架。」

「小姐,其實我係負責賣偉哥嘅,宜家賣緊20蚊一笠,小姐有冇興趣,買嚟送比老公或者男朋友呀,如果你買得多,我可以同上司講做個朋友價15蚊笠比你,幫幫手呀,呢個月我未夠quota呀。」

結果不問已知,女「催」銷員繼續自說自話,務求將公司擬定的對白講完一次,便算大功告成。

不過想深一層,「催」銷員都只是打份工,玩弄他們其實有點不近人情,良心發現的時候,我會用最有效的方法:

「先生你好呀,我哋係理想酒店打呢嘅,我哋有個全年免費食自助餐計劃,好超值架,先生可以同屋企人一齊參加啦。」

「呢到係紐約警署,請問你搵第幾隊?」

「對唔住,拜拜。」

大家千祈、千祈、千祈不要模仿。

廣告