講開笑話,欲罷不能,想講多一個。

話說係地獄裡面,有一間專門售賣人腦嘅舖頭。強尼初嚟地獄報到,盲鐘鐘咁鐘咗入去間舖頭。

強尼一入到舖頭,淨係見到三個腦陳列係架上面,三個都差唔多咁嘅款。而有個地獄使者走近招呼強尼。

第一個寫住係前美國總統克林頓嘅腦袋,標價五十蚊美金。地獄使者就講:「克林頓好聰明架,智商有成一百五十。」強尼心諗,都算幾抵。

第二個寫住嘅,係科學家愛因斯坦嘅腦袋,標價一百蚊美金。地獄使者就講:「愛因斯坦係大科學家,智商講緊成二百。」強尼心諗,呢個仲抵!

到最後一個,寫住係北韓領導人嘅腦袋,強尼望一望價錢牌,要成二百蚊,佢即刻問地獄使者:「喂,有冇搞錯呀!呢個要成二百蚊,貴過頭先個兩個咁多嘅!」

地獄使者嘆一口氣,一副唔耐煩嘅口吻:「緊係啦,呢個腦都未用過,最新鮮呀嗎。」

廣告