忽然癮起,加上又想搵苦呢辛,所以決定係34度高溫底下,到深水埗一走。

沒有指定的路線,心中只記住幾個地點便準備出發,卻不經不覺,行出十站來。

三軍未動,糧草先行,先到係openrice.com裡面深水埗區排名第一,連煲呔都去過嘅維記醫醫肚。果然名不虛傳,雖然人頭湧湧而食品選擇不多,但潤牛米真正係好極,冇味精嘅湯底確有留住城市人心嘅功效。

nkowloonmag.jpg

飽暖思動,第一站先到北九龍裁判法院,這幢建成於1955年的建築,已於2005底完成任務。現在只能從外面觀賞,對於從未踏入過裡面嘅我,確實留下少少遺憾。

 garden2.jpg

第二站到北九斜對面嘅嘉頓 ,這幢建成於1930年Bauhaus式建築物,係當時深水埗最高嘅建築物。佢嘅鐘樓,比天星碼頭嘅碼頭,更有歷史。

 ssppolice.jpg

第三站到深水埗警署,一幢建於1925年嘅三層高建築物。本來對深水埗警署最有期望,但看來看去,總覺得平平無奇。

第四站係位於桂林街嘅新亞書院舊址,雖然只能夠從外觀而唔能夠上去參觀,但仍然發思故之幽情,幻想當年錢穆同唐君毅係上面上堂教書時嘅情景。

 publicdispensary.jpg

然後沿住醫局街往太子方向,正當諗緊醫局街係咪有醫院嘅時候,就比我發現第五站,昔日叫深水埗公立醫局,宜家已經變成為石硤尾美沙酮中心。只見道友們出出入入,同這幢二級歷史建築格格不入。

 luisanchun.jpg

復前行,不久就去到第六站雷生春。雖然建築物已歸政府所有,但係佢嘅命運係點,木宰羊。

stfrancischurch.jpg 

跟住行返入深水埗區,正當行入左入耀東街參觀大排擋嘅時候,竟柳暗花明,發現第七站天主教聖芳濟各堂係面前,雖然建築物唔算好大,但論宏偉程度,卻不比青島嘅天主教堂遜色。教友一面仰望,一路進入教會,確有洗滌心靈嘅作用。

meihohouse2.jpg  meihohouse2-3.jpg  meihohouse2-2.jpg  meihohouse2-1.jpg

到第八站亦都係今次嘅主角石硤尾邨美荷樓,美荷樓現已開放比市民參觀,確實吸引到唔少影相發燒友,尋找所謂的「集體回憶」。

 hill3-2.jpg  hill3-1.jpg  hill3.jpg

第九站係沿住美荷樓後面上燈塔山。據聞燈塔山舊時係有一個訊號燈,比係啟德機場降落嘅飛機用,因而得名。我估燈塔山有大約一百米高,沿路上山,九龍西的景色盡收眼底,咁大個仔,都係第一次上燈塔山。

 northkowloon.jpg

最後一站,返回北九龍裁判法院,並留底自己的影像,証明今次嘅旅程。

廣告