香港股市今日向好,恆指上升202點,報22,809點,最高曾見22,976點新高,成交914.14億。

由於外圍市況造好,恆生指數高開260點,係成交配合下,下畫開市更一度上升360點,直迫23,000大關。但由於下午有消息指內地輸港豬隻減少,加上昨日「臺週刊」報導,受港台朱垂青嘅CoCo叫價6,000蚊出街,令市場擔心豬肉同豬扒嘅價格大幅上揚,引起惡性通賬,收市前有大量沽盤,令大紅籌受沽壓,結果國企指數只以底位收市,只係上升33點。而受惠豬扒價格仍然有上揚嘅可能性,投資者可留意五豐行(5555)嘅股票,建議以現價5.55入,上望6.34而訂返個止蝕位係5.21,並可以留意五豐行相關嘅認股證。

err….唔….err….,對唔住,澄清一點,五豐行由於考慮係內地發行A股,所以暫時港交所係未有五豐行嘅股票嘅。不過投資者仍然可以留意一d將會發行A股嘅H股,可望受惠好消息而短暫上揚。

展望後市,如果恆指升穿23,000大關,可以上望23,010點嘅歷史高位,但係由於本週恆指已累積一定嘅升幅,因此唔排除係週末前沽盤湧現,先行套現,但相信係250天平均線20,314點有強力支持,由於即將陸續有公司公佈中期業績,料有好消息帶動下,恆指可以穩固發展。

黃金周

(投資可升可跌,投資者投資時要留意相關風險)

廣告