mcmug88.jpg

麥兜嘅故事,其實係比d咩人睇呢?

麥兜善良,但帶點蠢,多多少少有我地細個時嘅寫照,或者係我嘅寫照,所以麥兜故事,其實就係我嘅故事。

冇搞錯,我都有我嘅麥兜故事…

話說讀小學一年級嘅第一個星期五,Miss Chan 係放學嘅時候同全班嘅同學宣佈「小朋友,聽日係長週喎,記得話比爸爸媽媽知呀!」

麥兜心諗「長洲!?咁咪可以去搵黎根!?」

冇錯,如果去長洲,你係真係可以搵到黎根嘅。

麥兜喜孜孜的帶著呢個大喜嘅消息返屋企,心中一方面盤算點樣將呢個消息話比媽媽知,另一方面又盤算要帶d乜野去長洲,汽水、魷魚絲……。

時機終於到啦,就係同媽媽食晚飯嘅呢個moment,麥兜終於都忍唔住,感覺到要爆啦「媽媽,老師話聽日去長洲啊!」

「長洲?長週呀化,即係聽日要返學咁解呀儍仔,食飯啦。」

當時麥兜諗唔明,點解長週會係叫長週,麥兜只係知道佢冇得去長洲。成個故事,其實都幾麥兜。

所以小朋友睇麥兜,會覺得麥兜係麥兜,但好似我呢d老餅睇麥兜,就可能會覺得自己就係麥兜。

麥兜故事,係適合成年人觀看。唔睇《麥嘜.寧靜聲音》,都唔記得自己嘅麥兜故事。

廣告