每次決定睇唔睇曼聯的午夜比賽,總有點賭博味道,而賭注就是第二日的精神。如果曼聯 贏波的話,雖然睡眠時間是少,但總是睡得特別好,第二日如常返工而不受影響;相反如果曼聯輸波的話,哈,大件事,當晚一定睡得不好,試過有次眼光光到七點幾都睡不著,結果要拖著疲憊的身軀及失落的心情返工。話雖如此,每次要作出選擇的時候,只要身體狀況可以的話,我都會試試賭一鋪,而昨晚我就賭贏了。 憑著沙夏一戰定江山,曼聯小勝賓菲加一球。開季打左八埸波,是時候為曼聯把把脈。

vsbenfica1.jpg

曼聯開季以來八戰六勝一和一負,成績看似不俗,但球隊的問題卻越來越明顯,但看來沒法在短時間內解決,實在令我擔心。

後防方面,隨著軒斯及維迪的復出,曼聯終於表現出強隊應有的防守力。軒斯會在適當時候包入中間,可以減輕里奧費迪南時負擔。而維迪的集中力比布朗好得多,起碼不會出奇不意地交失波或漏波,嚇你一餐死,他還是做加利仔的後備為好,不應再打中堅。不過問題在於,一但正選一人受傷,球隊未必有足夠份量的後備補上。

中場始終是最大的問題所在,某部份球員根本唔夠班踼中場,例如費查、奧沙及李察遜,佢地連控波都有問題,太過容易控失波,更枉論要靠他們組織攻勢,特別去到踢歐聯,問題便更加明顯,以昨晚為例,成班中場根本keep唔到possession,結果好似讓成個中場比人踢咁。真係唔明,曼聯作為一間大球會,點會容許比佢地踢中場。而傑斯及史高斯又年事以高,總不能場場靠佢地全場奔走。c朗係好波又有活力同速度,但只有佢一個又如何呢?初步觀察卡域克是對辦的,起碼他懂得用波,但作為球隊控制節奏的人,他還需要多一點時間去融入球隊當中,相信要到出年一月以後,佢就會發揮出威力。 

前鋒的問題,在於球隊的踢法。 用沙夏打正箭頭其實沒有問題,但球隊一定要有中場去配合佢,因為佢唔似雲尼斯度萊咁一個人 hold住個波等隊友上,相反只要對手一拍沙夏就好容易甩波,因此如果沒有控波好又識打組織波的中場配合,曼聯輸反擊都輸死,近三場沒有傑斯,問題便立即浮現。所以問題都係中場。睇嚟曼聯都係要求神拜佛傑斯史高斯同 c朗唔好受傷,如果唔係要奪標就真係唔係咁樂觀。

講返昨晚場波,曼聯真係打c朗一個,但係一個就夠。佢真係成熟左好多,能夠控制自己既脾氣,成為 man of the match 絕對實至名歸。曼聯既未來希望,就係佢同朗尼身上。努力呀 c朗。

廣告